Фарғона туманида содир бўлган йўл-транспорт ҳодисаси оқибатида 1 киши ҳалок бўлди, 2 киши жароҳатланди. Бу ҳақда вилоят ЙҲХБ маълум қилди.
Қайд этилишича, ҳолат 5 май куни соат 16:00 атрофида Фарғона — Водил — Ҳамзаобод автомобиль йўлида содир бўлган.
25 ёшли ҳайдовчи “Nexia 3” автомобилини бошқариб кетаётиб, қувиб ўтиш қоидасини бузган.
У қарама-қарши йўналишга чиқиб ҳаракатланган ва йўналишида келаётган 65 ёшли ҳайдовчи бошқарувидаги “Tico” билан тўқнашган.
Оқибатда “Tico” ҳайдовчиси вафот этган. Шунингдек, икки нафар йўловчи тиббий ёрдам кўрсатиш учун шифохонага юборилган.
