5 майга ўтар кечаси Россия шаҳарга бир неча “Шаҳед” камикадзе дронлари ва иккита баллистик ракета билан ҳужум қилган. Ҳужум оқибатида шаҳардаги муҳим инфратузилма объекти вайрон бўлган, бироқ ҳеч ким жабрланмаган.
Украина Қуролли Кучлари тунда Сум ва Запорижжя вилоятларига ракета ҳужумлари, шунингдек, Кировоград, Днепропетровск, Харков, Полтава, Донетск ва Мйколайив вилоятлари устида учган дронлар ҳақида хабар берган.
Россия Мудофаа вазирлиги эса тунда мамлакат ҳудудига йўлланган 26 дрон уриб туширилганини маълум қилган.
Расмийларга кўра, улардан 17 таси Брянск вилояти, 5 таси Калуга вилояти ва яна 4 таси Москва вилояти осмонида йўқ қилинган. Ҳужумлар оқибатида зарар кўрганлар йўқ. Москвадаги Домодедово ва Внуково аэропортлари вақтинча фаолиятини тўхтатган.
