Ўтказилган камерал солиқ текширувлари натижалари эълон қилинди. Бу ҳақда Солиқ қўмитаси хабар берди.
2024 йил январ-ноябрь ойлари давомида 26,3 мингта солиқ тўловчига нисбатан камерал солиқ текширувлари ўтказилган. Бу республика бўйича фаолият кўрсатаётган тадбиркорлик субектларининг (563 минг) 4,7 %ни ташкил этади.
Ушбу текширувлар натижасида 13 417,1 мрлд сўм тафовутлар аниқланган ҳамда солиқ тўловчиларга тафовутлар тўғрисидаги талабнома юборилган.
Асосан қуйидаги солиқ турлари бўйича тафовутлар аниқланган:
- ҚҚС – 6 901,8 мрлд сўм;
- фойда солиғи – 5 663,5 мрлд сўм;
- ЖШОДС – 291,6 млрд сўм;
- АОС – 158,2 млрд сўм;
- бошқа солиқлар ва йиғимлар – 401,9 млрд сўм.
Энг катта тафовут аниқланган соҳалар:
- умумий овқатланиш, савдо ва хизмат кўрсатиш – 7 507,8 мрлд сўм;
- қурилиш – 2 138 мрлд сўм;
- ишлаб чиқариш – 1 962,2 мрлд сўм;
- қишлоқ хўжалиги - 604,8 млрд сўм;
- транспорт - 580,7 млрд сўм;
- бошқа соҳалар - 623,6 млрд сўм.
