Ушбу бахтсиз ҳодиса жорий йилнинг 19 декабрь куни Бўстонлиқ тумани “Фазогир” МФЙ Фазогир кўчаси 22-уй 4-хонадонда содир бўлган. Бу ҳақда Бош прокуратура матбуот котиби Ҳаёт Шамсутдинов darakchi.uz’га хабар қилди.
Аниқланишича, 1981 йилда туғилган эркак С.П. ва 1989 йилда туғилган аёли С.Н. шунингдек, 2016 йилда туғилган фарзанди М.Б. яшаш хонадонида вафот этган.
Бўстонлиқ туман СТЕнинг дастлабки маълумотномасига кўра, С.Н. нинг ўлими ис газидан заҳарланиш оқибатида содир бўлган.
Мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда.
