Фарғонада 2023 йил августда турмуш қурган келин ва куёв келишмовчилик сабабли бирга яшашмайди. Бу вақтда сепларини қайтаришга уринган келин куёвдан уларни қайтариб ололмайди.
2023 йил 19 октябрда Фарғона туманлараро суди томонидан келинга мол-мулкларни қайтариб бериш тўғрисида қарор чиқарилиб, ҳужжат МИБ шаҳар бўлимига ундириб бериш учун юборилган.
Ижро ҳужжатига асосан ундирувчи М.З. фойдасига қарздор А.А.дан жами 34 турдаги 10.920.000 сўмлик мулклар олиб берилиши кўрсатилган.
Олиб борилган мажбурий ижро ҳаракатлари давомида 2023 йил 20 ноябрь куни ундирувчи М.З.га қарздор А.А.дан барча мулклар тўлиқ олиб берилган.
