БМТ Бош Ассамблеяси Ғазо секторида ҳарбий ҳаракатларни тўхтатишга олиб келадиган зудлик билан доимий ва барқарор гуманитар ўт очишни тўхтатишга чақирувчи резолюцияни қабул қилди.
27-октябр, жума куни Ню-Ёркда бўлиб ўтган Бош Ассамблеянинг навбатдан ташқари йиғилишида иштирок этган БМТга аъзо 193 давлатдан 120 тасининг вакиллари ушбу ҳужжатни ёқлаб овоз берди. 14 давлат қарши чиқди, яна 45 давлат бетараф қолди. Бу ҳақда БМТ расмий сайтида хабар берилди.
Резолюция Исроил билан можарода анъанавий равишда фаластинликлар томонида бўлган Иордания томонидан киритилган. Унинг матнида 7-октябр куни Исроилга ҳужуми Фаластин-Исроил можаросининг навбатдаги кескинлашувининг бошланиши бўлган ҲАМАС террорчилик гуруҳи ҳақида сўз юритилмаган ва ҲАМАС жангарилари томонидан гаровга олинган исроиллик аскарларни озод қилиш талаби йўқ. Шу билан бирга, ҳужжатда асирликда бўлган барча фуқароларни “зудлик билан ва сўзсиз озод қилиш” талаб қилинади, шунингдек, уларнинг хавфсизлиги ва халқаро ҳуқуқ нормаларига мувофиқ инсоний муносабатда бўлишини таъминлаш талаб этилади.
Бундан ташқари, у "ҳар томондан" халқаро гуманитар қонунларга риоя қилишни, Ғазо секторида ўт очишни тўхтатишни ва Исроил блокадаси остидаги ҳудудга муҳим маҳсулотлар ва хизматларни "узлуксиз, этарли ва тўсиқсиз" этказиб беришни таъминлашни талаб қилади.
БМТ Хавфсизлик Кенгаши резолюцияларидан фарқли ўлароқ, Бош Ассамблея резолюциялари мажбурий эмас.
Исроил ва АҚШ БМТ Бош Ассамблеяси резолюциясини танқид қилди
Бош Ассамблея резолюцияси 7 октябрдан кейин Яқин Шарқда давом этаётган ҳарбий амалиётлар ва Ғазо секторининг Исроил томонидан тўлиқ блокадага олинишига БМТнинг биринчи расмий жавоби бўлди. Бунгача БМТ Хавфсизлик Кенгаши тўрт марта Фаластин-Исроил можароси бўйича резолюцияларни қабул қилишга уриниб кўрган.
Бу натижа Хавфсизлик Кенгашининг беш доимий аъзоси – Хитой, Франсия, Буюк Британия, Россия ва АҚШ вето ҳуқуқига эга эканлиги билан изоҳланади. Шундай қилиб, Россия Федерацияси ва Хитой АҚШнинг резолюция лойиҳасига вето қўйди, унинг матнида Исроилга қаратилган ўт очишни тўхтатиш талаби йўқ, АҚШ эса ўз навбатида Россиянинг резолюция лойиҳасини блоклади, матнда ХАМАС гуруҳи ҳақида гапирилмаган.
Бирлашган Миллатлар Ташкилоти Бош Ассамблеяси томонидан қабул қилинган резолюцияда Хамас ҳақида тилга олинмагани учун Исроил ва АҚШ ҳужжатни танқид қилди. Худди шу сабабга кўра, Германия овоз беришда бетараф қолди.
