ҲАМАС террористик ташкилотининг Ғазо секторидан уюштирган ҳужумидан сўнг ҳалок бўлган исроилликлар сони 600 дан ошди, 2000 дан ортиқ киши жароҳат олди. Бу ҳақда Kan давлат телерадиокомпанияси хабар берди.
Исроил расмийларига кўра, бу рақамлар якуний эмас, ўлганлар ва ярадорлар сони кўпайишда давом этади.
Йўқолган ва ўғирлаб кетилгани тахмин қилинаётган шахслар рўйхатига аниқлик киритилмоқда.
Мамлакатда фавқулодда ҳолат эълон қилинган, Исроил Бош вазири содир бўлаётган воқеаларни уруш деб атаб, заҳирадагиларни сафарбар этилишини эълон қилган.
Бундан ташқари, Исроил Мудофаа кучларининг 26 нафар аскари, жумладан полковник, подполковник ва майор ҳалок бўлди. 400 га яқин ҲАМАС жангчиси йўқ қилинган.
