XV Тошкент халқаро кинофестивалида иштирок этиш учун Ўзбекистонга келган америкалик актёр Кевин Спейси қўли ишламай қолгани туфайли юрак хуружида гумон қилиниб, Тошкентдаги шифохонага ётқизилди, дея ёзди Британиянинг The Sun нашри. Маълум қилинишича, актёр МРТ текширувидан ўтказилган, бироқ, тахминлар тасдиғини топмаган.
Соғлиқни сақлаш вазирлиги матбуот хизмати раҳбари Фурқат Санаевнинг маълум қилишича, Кевин Спейси Самарқанддаги тиббиёт муассасасасига олиб келинган. Текширувларда унинг соғлигиди жиддий муаммо аниқланмаган.
Кўп ўтмай актёр XV Тошкент халқаро кинофестивалининг Самарқанддаги ёпилиш маросимида сўзга чиққан.
"Самарқанддаги Гўри Амир мақбарасида бетакрор нақшларни томоша қилаётган вақтимда чап қўлим увишиб қолди ва мени тарихий шаҳардаги замонавий тиббиёт муассасасига олиб боришди. Менга тезкор ёрдам кўрсатишди ва яхшики, жиддий ҳеч нарса содир бўлмапти", — деган Спейси.
Маълумот учун: актёр 29 сентябрдан 3 октябргача бўлиб ўтган XV Тошкент халқаро кинофестивалида иштирок этди.
