XV Toshkent xalqaro kinofestivalida ishtirok etish uchun O`zbekistonga kelgan amerikalik aktyor Kevin Speysi qo`li ishlamay qolgani tufayli yurak xurujida gumon qilinib, Toshkentdagi shifoxonaga yotqizildi, deya yozdi Britaniyaning The Sun nashri. Ma`lum qilinishicha, aktyor MRT tekshiruvidan o`tkazilgan, biroq, taxminlar tasdig`ini topmagan.
Sog`liqni saqlash vazirligi matbuot xizmati rahbari Furqat Sanaevning ma`lum qilishicha Kevin Speysi Samarqanddagi tibbiyot muassasasasiga olib kelingan. Tekshiruvlarda uning sog`ligidi jiddiy muammo aniqlanmagan.
Ko`p o`tmay aktyor XV Toshkent xalqaro kinofestivalining Samarqanddagi yopilish marosimida so`zga chiqqan.
"Samarqanddagi Go`ri Amir maqbarasida betakror naqshlarni tomosha qilayotgan vaqtimda chap qo`lim uvishib qoldi va meni tarixiy shahardagi zamonaviy tibbiyot muassasasiga olib borishdi. Menga tezkor yordam ko`rsatishdi va yaxshiki, jiddiy hech narsa sodir bo`lmapti", — degan Speysi.
Ma`lumot uchun: aktyor 29 sentyabrdan 3 oktyabrgacha bo`lib o`tgan XV Toshkent xalqaro kinofestivalida ishtirok etdi.
