Хабарингиз бор, Бобур кўчасини Ислом Каримов номидаги Тошкент халқаро аэропорти билан боғлайдиган ҳамда «С.Толипов» кўчасига чиқиш ва тушувчи йўл ўтказгичлар қурилиши лойиҳаси амалга оширилмоқда. Маълум қилинишича, айни дам лойиҳа доирасида умумий 1422 туп дарахт кўчириб ўтказилиши керак. Ушбу масалани эса жамоатчилик билан муҳокама қилган ҳолда амалга оширилади.
Маълумотларга қараганда, мавжуд йўл ўтказгич суткасига 36 000 автомобиль ўтказиш қувватига эга бўлиб, амалда соатига 1500 дона автомобиль ҳаракати учун ҳизмат кўрсатади. Қурилаётган йўл ўтказгич эса соатига 6 000 дона автомобиль ўтказа олади яни суткасига 144 000 дона автомобиль ҳаракати учун ҳизмат кўрсата олади. Бу эса тирбандликни олдини олади ҳамда ҳавога чиқадиган чиқинди газларини 4 баробаргача камайишига олиб келади.
“Умумий 1422 та дарахт кўчирилади. Шундан асосан “ёш” дарахтлар бўлади, орасида “ёши катта” дарахтлар ҳам бор, унга ҳам кафолат берамиз. 50-60 йиллик дарахтлар бор, уларни яшаб кетиш даражаси мавсумга боғлиқ. Ҳозир дарахт кўчирадиган мавсум ҳисобланади, “сокодвижения”си тўхтаган. Унга кўчириладиган жойи, ҳолати наслига боғлиқ. Агар агротехник қоидаларга риоя этиб барча нарса қилинса, уни (дарахтларни) яшаб кетиши 90% юқори. “Ёш” дарахтлар 100% деса бўлади”, - дейди “Муномак” дарахт кўчириш корхона раҳбари Фаррух Ҳакимов.
Бундан ташқари объектдан кўчирилган дарахтлар аввалдан режалаштирилган жойларга олиб бориб экилиши ва маълум давр мобайнида махсус ўғитлар билан парвариш қилиниши таъкидланди.
“Экология вазирлиги жамоатчиликни фикридан келиб чиққан ҳолда дарахтларни кўчиришга рухсат бериш ё рухсат бермаслик масаласини ҳал қилади. Агар рухсат берган тақдирда тўлиқ экологик талаблар, дарахтни кўчириш, қуритиб қўймаслик бўйича талабларга риоя қилган ҳолда амалга ошириляптими йўқми, шуни назорат қилади. Агар шундан қандайдир “четга чиқиш” ҳолатлари бўлса қонуний чора кўради. Яъни, назорат қилувчи орган вазифасини бажаради.
Шахсан мен кўчирмаслик тарафдориман, бу менинг фикрим, бу вазирликнинг фикри эмас. Лекин, иккинчи томони турибди, бу лойиҳани амалга ошириш натижасида қанчадир автомобилларни тирбандлиги олди олинади ва автомобиллар харакати тезлашади, бу орқали атмосферага чиқадиган захарли газлар камаяди, деган назарияни билдиришяпти. Бу ҳам балки экологияга фойдадир.
Биз барча жараёнларни максимал кузатишга харакат қиламиз ва кузатамиз ҳам. Талабдан “четга чиққан” ҳолда ким бўлишидан қатъий назар биз максимал жазо чорасини кўрамиз.
Агарда жамоатчилик қарши бўладиган бўлса қурилиш ишлари шу турган ҳолатда тўхтатилади”, - дейди Экология, атроф-муҳитни муҳофаза қилиш ва иқлим ўзгариши вазирининг маслаҳатчиси Расул Кушербаев.
