Ўзбекистонда 2023 йил биринчи ярмидаги ҳолатга кўра, 25 минг 413 нафар фуқароликка эга бўлмаган шахс яшайди. Бу ҳақда Инсон ҳуқуқлари бўйича Ўзбекистон
Миллий марказининг матбуот хизмати хабар бермоқда.
Таъкидланишича, бу Марказий Осиё минтақасидаги давлатлар орасида энг катта кўрсаткич бўлиб, айни шахсларнинг аксарияти совет иттифоқи собиқ фуқаролари ва уларнинг авлодлари ҳисобланади.
Ўзбекистон Миллий маркази директори Акмал Саидов ҳукумат мамлакат ҳудудида фуқароликка эга эмаслик ҳолатларини камайтириш ва тугатиш йўлида қатъий қадамлар қўяётганини қайд этди. Ўзбекистонда 2014 йилдан эътиборан юз минг нафардан ортиқ шахснинг фуқароликка эга эмаслиги аниқланган бўлиб, ўтган даврда шундан 83 минг 793 нафарининг бу муаммолари ижобий ҳал этилган.
