Жаҳон иқтисодиёти ва дипломатия университетининг “Халқаро муносабатлар” йўналишига максимал 189 балл тўплаб, тўлов-шартнома асосида ўқишга қабул қилинган 5 нафар иқтидорли абитуриентнинг барчаси Президент томонидан берилган имтиёз бўйича давлат гранти асосида ўқийди.
Бу ҳақида Бош вазир матбуот котиби Бекзод Ҳидоятов хабар қилди. Ушбу ҳолатга Давлетов ўзининг ижтимоий тармоқлардаги шахсий саҳифасида ўз фикрларини ёзиб қолдирди:
Абитуриентларимизнинг муаммолари ҳал этилгани қувонарли. Лекин Темурбеклар мактаби битирувчилари имтиёзлари квотадан ташқарида бўлиши керак. Адолатсизликка ҳужжат билан барҳам берилиши керак, - дейди Давлетов.
Эслатиб ўтамиз, мандат натижалари чиққач, Темурбеклар мактаби битирувчиларига бериладиган қўшимча балл тарзидаги имтиёз сабаб абитуриентлар ноҳақликка учрагани ҳақида хабар берган эдик.
