Ижтимоий тармоқларда метро йўналишларида поездлар узоқ вақтда келмоқда мазмунидаги хабарлар тарқалмоқда.
Мазкур ҳолат юзасидан Тошкент метрополитени маълумот тақдим этди.
Маълум бўлишича, 19 сентябрь куни соат 18:15 лар атрофида Тошкент бекатига кириб келган 37-сонли ҳаракат таркибидаги йўловчилардан бирининг тоби қочган ва ушбу йўловчи вагондан бекатга олиб чиқилиб, тегишли тартибда ёрдам чоралари кўрсатилган. Бунинг натижасида, ушбу ҳаракат таркиби йўналишда белгиланган жадвалдан 2 дақиқа кеч қолиб ҳаракатланган.
Ҳозирги вақтда ушбу йўналишда поездлар белгиланган жадвалга асосан ҳаракатини амалга оширмоқда.
