Ижтимоий тармоқларда Чеченистон раҳбари Рамзан Қодиров оиласи билан сайр қилаётгани акс этган видео пайдо бўлди.
Видеони Қодировнинг ёрдамчиси Умар Даудов эълон қилди.
“Кечки сайр оила билан кечки овқатнинг ажойиб якуни бўлди. Ушбу қувончли дақиқаларни ўтказиб юборманг, дўстлар. Вақт топинг ва оилангизга кўпроқ эътибор беринг. Шовқиндан дам олинг ва уларни ҳам, ўзингизни ҳам хурсанд қилинг”, — дея Даудовнинг ижтимоий тармоқдаги аккаунтидаги видеога изоҳ берилган.
Аввалроқ Қодировнинг касаллиги ҳақидаги миш-мишлар тарқалган эди. Чеченистон раҳбари бу маълумотни рад этди.






