Россия эртага, 18 июлдан бошлаб Дон йўлаги келишуви ўз фаолиятини тўхтатганини маълум қилди. Бу ҳақда бугун, 17 июль куни мамлакат Ташқи ишлар вазирлиги баёнот берди.
Унда айтилишича, дон келишувининг H бандига мувофиқ, Россия томони унинг янада узайтирилишига эътироз билдирмоқда. Бу ҳақда Туркия ва Украина томонлари ҳамда БМТ Котибияти расман хабардор қилинган.
“Дон йўлаги келишуви 18 июлдан ўз фаолиятини тўхтатади. Бу навигация хавфсизлиги кафолатларининг бекор қилиниши, денгиз гуманитар коридорининг чекланиши, Қора денгиз шимоли-ғарбидаги вақтинчалик хавфли ҳудуд режимининг тикланиши ва Истанбулдаги қўшма мувофиқлаштириш марказининг тарқатилишини англатади”, дейилади баёнотда.
