Бутунжаҳон бокс кенгаши (WBC) жорий йилнинг ноябрь ойида Ўзбекистонда катта тадбир ўтказади. Бу ҳақда WBC Матбуот хизмати хабар берди.
Унда айтилишича, Бутунжаҳон бокс кенгашининг йиллик 61-сонли Конвенцияси 12-17 ноябрь кунлари Тошкент шаҳрида бўлиб ўтади. Конгрессда ҳакамлар ва судялар учун анъанавий семинарлар, WBC қўмиталари йиғилишлари бўлиб ўтади.
Шунингдек, 5 кун давом этадиган тадбир доирасида профессионал бокснинг ҳар бир вазн тоифасида саралари ва номдор боксчиларнинг чемпионлик жанглари ҳам ташкил этилади.
Айрим норасмий манбаларга кўра, америкалик бокс афсонаси Майк Тайсон (58-50-2) ҳам мазкур тадбир меҳмони бўлиши ва турли кўргазмали чиқишларда қатнашиши мумки.
