БМТ Инсон ҳуқуқлари бўйича Олий комиссари бошқармаси Украинадаги тинч аҳоли қурбонлари ҳақидаги статистик маълумотларни янгилади.
2022 йил 24 февралдан бери 18 июн ҳолатига кўра, Украинада 9083 киши ҳалок бўлган, яна 15790 киши жароҳатланган.
БМТ маълумотларига кўра, Донбаснинг Украина назорати остидаги қисмида 4105 киши ҳалок бўлган, 5861 киши жароҳатланган. Россия назорати остидаги ҳудудларда 718 киши ҳалок бўлган, 2521 киши яраланган.
Статистик маълумотларга кўра, июн ойи бошидан буён 112 нафар тинч аҳоли ҳалок бўлган, 445 нафари яраланган. Ташкилот маълумотларига кўра, тинч аҳолининг аксарияти кенг радиусли портловчи қуроллардан азият чеккан.
Бирлашган Миллатлар Ташкилотининг таъкидлашича, ўлганлар ва ярадорлар тўғрисидаги маълумотлар шиддатли жанглар бўлган бир қанча вилоятлардан кечикиб келинаётганлиги сабабли ҳақиқий рақамлар бундан ҳам кўп бўлиши мумкин. Гап Мариупол, Лисичанск, Попасна, Северодонетск ҳақида кетмоқда.
