Россия ҳудудларида июнь ойи бошидан бери суррогат алкоголдан заҳарланиш қурбонларининг умумий сони 106 кишига етди, улардан 36 нафари вафот этди. Бу ҳақда соғлиқни сақлаш вазири Михаил Мурашко маълум қилди.
“Жами 106 киши жабрланди, улардан беш нафари бола. 36 киши ҳалок бўлди, улардан бири бола”, - деди Мурашко. Тўққиз киши касалхонада, дея қўшимча қилди у.
Самара вилоятида "Мр. Сидер" ичимлик бренди томонидан ишлаб чиқарилган заҳарланишнинг биринчи ҳолатлари 5 июнь куни маълум бўлди. Текширув натижасида ичимлик таркибидаги метанол ва бутан аралашмалари аниқланган. Роспотребнадзор ва Росалкоголрегулирование ходимлари 17 та ҳудудда 70 минг литрдан ортиқ суррогат сидрни мусодара қилди.
Тергов қўмитаси томонидан маҳсулотларни ноқонуний ишлаб чиқариш, сақлаш, ташиш ва сотиш (Жиноят кодексининг 238-моддаси 3-қисми) бўйича иш қўзғатилган. Тадбиркор Анар Ҳусейнов, шунингдек, Дмитрий Егоров ва полиция сержанти Иван Гребенкин ҳибсга олинди, улар терговга кўра, Ички ишлар вазирлиги омборларидан сидр ишлаб чиқариш учун спиртли ичимликларни ўғирлаб, уни Артем Ҳайрапетянга сотганлар.
