Озарбайжонда 1993 йил июнь ойида юзага келган мураккаб ижтимоий-сиёсий вазият фуқаролар уруши хавфини юзага келтирди.
Ўша пайтда Ганжада жойлашган 709-сонли ҳарбий қисм Мудофаа вазирлигига бўйсунишдан бош тортди. Қўзғолонни бостириш учун ҳукумат Ганжага қўшин юборди. Бироқ мамлакат раҳбариятининг нодон сиёсати натижасида қўзғолон кўлами тобора кучайиб, назорат қилиб бўлмайдиган даражага етди. Ганжадан қўзғолончи ҳарбий қисмлар пойтахтга кўчиб ўтди. Улар қўзғолонга бошчилик қилиб, ҳокимиятни алмаштиришни талаб қилдилар. Бу вазиятдан чиқиш учун НФА – Мусават партияларининг ҳукмрон тандеми сўнгги лаҳзада ёрдам сўраб Ҳайдар Алиевга мурожаат қилди.
Ўша пайтда Озарбайжон Нахчиван Мухтор Республикаси Олий Кенгаши раиси лавозимида ишлаган таниқли жамоат ва сиёсий арбоб Ҳайдар Алиев таклифни қабул қилиб, 9 июнь куни Бокуга учиб борди. Мамлакатни фуқаролар урушидан қутқариш миссиясини ўз зиммасига олган Ҳайдар Алиев ҳаётини хавф остига қўйиб, Ганжага йўл олди. Музокаралар натижасида у Озарбайжонда фуқаролар тўқнашувининг олдини олишга муваффақ бўлди.
1993 йил 15 июнда Ҳайдар Алиев Озарбайжон Республикаси Олий Кенгашининг раиси этиб сайланди. Ўша пайтдан бошлаб Озарбайжоннинг бугунги кунгача давом этаётган янги тарихида ривожланишнинг яна бир муваффақиятли босқичи бошланди.
1998 йилдан бошлаб 15 июнь давлат даражасида Нажот куни сифатида нишонланади ва ишланмайдиган кун ҳисобланади.
