Бу ҳақда “Ҳудудгаз Пойтахт” хабар бермоқда.
Тошкент шаҳар Сергели тумани “Меҳригиё” МФЙ, Сергели 7 мавзеси ҳудудида жойлашган АТС олдидан ўтган ўрта босим Д-57 мм газ қувурини тартибга келтириш ишлар ҳамда Чилонзор тумани “Боғзор” МФЙ 7 мавзе 44 уй олдидаги ер ости Д-57 ўрта босим газ қувуридаги газ сизиб чиқиш ҳолатини бартараф қилиш ишлари режалаштирилган.
Ушбу ишларни бажаришда 2023 йил 8 июнь куни соат 10:00 дан 16:00 га қадар қуйидаги табиий газ истеъмолчиларида газ таъминоти вақтинчалик тўхтатилади.
Аҳоли истеъмолчилар:
- Сергели-6 мавзеси “Меҳригиё” МФЙда жами 23 та кўп қаватли уйлардаги 2587 та хонадон
- “Лутфий” ва “1-Қатортол” МФЙ лардаги жами 400 та ерли хонадонлар.
- “Боғзор” ва “Оқтепа” МФЙ ларнинг кўп қаватли уйлардаги жами 3430 та хонадон
Улгуржи истеъмолчилар:
- Сергели-6 мавзеси “Меҳригиё” МФЙда жами 15 та улгуржи истеъмолчилар.
- “Боғзор” МФЙ ҳудудидаги жами 18 та улгуржи истеъмолчилар.
"Етказилаётган ноқулайликлар учун "Ҳудудгаз Пойтахт" ГТФ истеъмолчилардан узр сўрайди" дейилади хабарда.
