Нью-Йоркдаги Туркия Бош консуллиги жойлашган Манҳеттен ҳудудида, президентлик сайловларининг иккинчи босқичига овоз бериш жараёни ўтаётган “Турк уйи”га ҳужум уюштирилди. Ҳужумчилар бинонинг кираверишдаги деразаларни синдиришган. Бу ҳақда душанба куни Туркия телеканали хабар берди.
Қайд этилишича, ҳужум “террорчилар тарафдорлари” томонидан амалга оширилган.
Хабарларга кўра, бир киши 03:14 атрофида бинога ҳужум қилган. У ойнани лом ёки арматура бўлаги билан синдирган. Туркия томони Нью-Йорк полицияси билан боғланган. Бино атрофи ўраб олинган, ҳозирда ҳолат бўйича тергов ишлари бошланган.
