Қарши шаҳрида эркак МИБ ходими ва яна бир аёлни пичоқлади. Бу ҳақда “darakchi.uz”га Бош прокуратура матбуот хизмати хабар қилди.
Маълум қилинишича, жорий йилнинг 26 апрель куни фуқаро Х.Б. таниш аёлнинг уйига боради ва у ерда таниши О.Т. (собиқ МИБ ходими)ни кўриб жанжаллашиб кетади. Шундан сўнг эркак ошхонадан пичоқ олиб келиб, уларнинг ҳар иккаласига турли даражадаги тан жароҳатлари етказади. Натижада жабланувчилар шифохонага тушган.
Қайд этилишича, Х.Б. юқоридаги аёл билан қонуний никоҳдан ўтмаган ҳолда уни доимий равишда жисмоний ва руҳий тазйиқ ўтказиб, қийнаб келганлиги аниқланган.
Мазкур ҳолат юзасидан Қарши шаҳар прокуратураси томонидан 1 май куни фуқаро Х.Б.га нисбатан ЖКнинг 109, 110 ва 112-моддалари билан жиноят иши қўзғатилган.
Ҳозирда дастлабки тергов ҳаракатлари олиб борилмоқда.
