Мамлакат чемпионати доирасида “Ал-Наср” ва “Ал-Ҳилол” (0:2) жамоалари ўртасидаги ўйиннинг танаффус вақтида меҳмон жамоа мухлислари ҳужумчини ғазаблантирди. Мухлисларнинг “Месси, Месси!” деган қичқириғига жавобан Роналду уларга одобсиз ишора кўрсатди.
Халқаро ҳуқуқ бўйича ихтисослашган саудиялик адвокат Ноуф бин Аҳмад Криштиануни ҳибсга олиш ва мамлакатдан депортация қилиш бўйича судга ариза берганини тасдиқлади.
"Оломон Роналдуни ғазаблантирса ҳам, у нотўғри муносабатда бўлди. Криштианунинг хатти-ҳаракати жиноят, бу беҳаёлик. Бу хорижлик фуқаро томонидан содир этилган бўлса, ҳибсга олиниши ва депортация қилинишига олиб келадиган жиноятлардан биридир", — деди бин Аҳмад.
Бундан ташқари, Роналдунинг xатти-ҳаракати Саудия Арабистонининг энг машҳур “Аcтион я Даwри” спорт дастурида муҳокама қилинган. “Ал-Наср”даги манбалар билан боғланган дастур бошловчисининг айтишича, Криштиану бу ишорани ўйин давомида жинсий аъзосига зарба олгани учун қилган.
Спорт журналисти Озман Абу Бакр футболчининг хатти-ҳаракатларини “томошабинларга нисбатан ахлоқсиз ва қўпол ишора” деб атади ва шартномани бузишга чақирди.
