Бугун Ўзбекистон бўйлаб ёмғир ёғади

"Ўзгидромет" хабарига кўра, бугун кундуз куни Ўзбекистон бўйича баъзи жойларда ёмғир ёғади ва кечга томон Тошкент, Сирдарё вилоятларида ва Фарғона водийси вилоятларида қисқа муддатли ёмғир ёғади, момақалдироқ бўлиши мумкин. Сурхондарё вилоятида ёғингарчилик кутилмайди. Шамол ғарбдан 7-12 м/с тезликда эсади, баъзи жойларда 15-20 м/с гача кучайиши, баъзида 22-25 м/с гача кучайиши мумкин. Ҳарорат 22-27° бўлади.

Пойтахтимизда кечга томон ёмғир ёғади, момақалдироқ бўлиши мумкин. Шамол шарқдан 5-10 м/с тезликда эсади. Ҳарорат 23-25° бўлади.

Тоғ олди ва тоғли ҳудудларида вақти-вақти билан ёмғир ёғади. Баланд тоғларда (2000 м дан юқори ҳудудларда) ёмғир қорга айланиши мумкин. Тошкент вилоятининг тоғли ҳудудларида 2000 м дан юқорида қор кўчиши хавфи бор. Тоғ олди ва тоғли ҳудудларда сел-сув тошқин ҳодисалари юзага келиши мумкин. Шамол 7-12 м/с тезликда эсади. Ҳарорат 12-17° илиқ бўлади.