Олий Мажлис Қонунчилик палатасининг бугун бўлиб ўтган навбатдаги мажлисида “Хотин-қизлар ва болалар ҳуқуқлари, эркинликлари ҳамда қонуний манфаатларини ишончли ҳимоя қилиш тизимини янада такомиллаштириш муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун лойиҳаси кўриб чиқилди.
Мажлисда депутат Бобур Бекмуродов педофилларни кимёвий ва жинсий бичиш амалиётини қонунчиликка киритиш таклифи билдирилди.
"Ҳали ҳам қонунчиликда педофилияга белгиланаётган жазолар етарли эмас. Масалан, 20 ёшли эркак педофилияга оид жиноятни содир этадиган бўлса, ва 15 йил қамоқ жазосини оладиган бўлса, у 35 ёшида яна жамиятга қайта кириб келади. Ўйлаймизки, мана шуларни қонунчиликка киритиш керак. Ички ишлар вазирлиги педофилларнинг очиқ рўйхатини доимий эълон қилиб бориши керак. Мазкур қонун лойиҳасига мана шу амалиётларни киритиш керак”, – деб таъкидлади у.
Депутат таклиф қилишича, бунга барҳам бериш учун жаҳон тажрибасида комплекс чоралар кўрилади – кимёвий ва жинсий бичиш амалиёти ёки мактаблар, таълим муассасаларининг атрофида 10 км радиусда истиқомат қилмаслик масаласи, ёки педофилларнинг очий рўйхатларини эълон қилиш.
Қонун лойиҳаси депутатлар томонидан қабул қилинди.
