Бироз аввал Қирғизистон Олий суди собиқ президент Алмазбек Атамбаевга нисбатан чиқарилган ҳукмни бекор қилди ва жиноий ишни қўшимча терговга жўнатгани ҳақида хабар берган эдик.
"Спутник Қирғизистон" хабар беришича, Қирғизистон собиқ президент озодликка чиқди.
Озодликка чиққанидан кейин собиқ президент зудлик билан даволаниш учун Испанияга учиб кетиши кераклигини, аммо у албатта қайтиб келишини айтди.
Шунингдек собиқ давлат раҳбари ўзининг айбдор эмаслиги ҳақида шундай деди:
- Мен айбдор эмасман, менга нисбатан жиноят ишлари оқ ип билан тикилган. Биргина айбим, мен нафақат Жеенбековга, балки бошқаларга ҳам ишонардим.
Алмазбек Атамбаевга ҳибисхонадаги вақтларини ҳам эслади.
"Маҳбуслар менга ҳурмат билан муносабатда бўлишди. Озодликда эса оддий фуқаролар менинг оиламни қўллаб-қувватладилар, қирғизистонликлар кўчада турмуш ўртоғимга 500-1000 сўм беришган ҳолатлар ҳам бўлди" дейди у.
Эслатиб ўтамиз, 2011-2017 йилларда Қирғизистон Президенти бўлган Алмазбек Атамбаев 2019 йилда ҳибсга олинган. Шундан сўнг унга турли айбловлар эълон қилинган эди. Қирғизистон собиқ президенти Алмазбек Атамбаевга 2020 йилнинг октябрь ойида ҳокимиятни куч билан эгаллаб олишга уриниш ва оммавий тартибсизликларни ташкиллаштириш айбловлари эълон қилинган.
