Покистоннинг собиқ президенти Парвез Мушарраф 79 ёшида вафот этди.
Қайд этилишича, Мушарраф узоқ давом этган хасталикдан сўнг Дубайдаги шифохонада вафот этган.
Мушарраф 1943 йил 11 августда туғилган. 1999 йил 12 октябрда Бош вазир Навоз Шарифнинг лавозимидан четлатилиши натижасида ҳокимият тепасига келади.
2007 йил октябрь ойида Мушарраф президентлик сайловларида ғалаба қозонади. Аммо у фуқаролик ва ҳарбий лавозимларни бирлаштиришда давом этгани учун Олий суд унинг қонунийлигини тасдиқламаган. Кейин Мушарраф фавқулодда ҳолат эълон қилиб, Конституциянинг амал қилишини тўхтатди ва Олий судда судяларни алмаштирган.
У 2008 йилнинг февралида Покистон мусулмонлар лигаси партияси парламент сайловларида мағлуб бўлади ва ўша йилнинг 18 августида Мушарраф истеъфога чиқишга мажбур бўлади, шундан сўнг у Британияга кетади.
2009 йилда Покистонда Мушаррафга қарши судяларни ноқонуний ҳибсга олиш айби билан иш очилган. 2013 йил мартида у гаров пулини тўлаб, Покистонга қайтиб келган, бироқ апрель ойида ҳибсга олинган. 2016 йилнинг март ойида суд унга даволаниш учун хорижга кетишига рухсат берган, шундан сўнг у БААга учиб кетган ва шундан бери Дубайда бўлган.
