Ўлган деб эълон қилинган Ҳиндистон фуқароси кремациядан саккиз ой ўтиб бошқа штатда тирик ҳолда топилди, дея ёзмоқда "Zamon.uz".
36 ёшли Дипак Балакришнан Канид 2022 йилнинг 7 июлида Керала штатининг Меппаюр шаҳрида ғойиб бўлди. Эркакнинг яқинлари унинг ғойиб бўлгани ҳақида полицияга ариза билан мурожаат қилган. 17 июль куни Кераладаги пляжда янглишиб Дипак деб аталган жасад топилди.
Дафн маросимидан бир неча кун ўтгач, полиция жасад Иршод исмли одамга тегишли эканлигини, у ҳам бедарак йўқолганлар рўйхатида эканлигини тушунди. Дипакнинг тахмин қилинган жасадидан олинган намуналарда ўтказилган ДНК тести дастлабки идентификация нотўғри эканлигини тасдиқлади. Шундан сўнг, Дипак қидирувга берилган ва жиноий бўлим терговни бошлаган.
Гоадаги меҳмонхоналарни мунтазам текшириш чоғида полиция меҳмонлардан бирида Дипакнинг рақамига мос келадиган шахсий карта рақами борлигини пайқаган. Эркак ҳибсга олинган.
Дипак полицияга Гоага келишдан олдин Жайпур, Деҳли ва Панжоб каби турли жойларга саёҳат қилганини айтди. У тирикчилик қилиш учун ғалати ишлар билан шуғулланган. Журналистлар эркакка оиласи уни аллақачон дафн қилганини айтишганда, Дипак фақат жилмайиб, бу ҳақда билмаслигини айтди.
