Аввал хабарган берилганидек, Президент Шавкат Мирзиёевнинг Андижон вилоятига ташрифини амалга оширмоқда.
Xushnudbek.uz`нинг хабар беришича Президент ташрифи доирасида Андижон туманидаги 55-мактабда ўқувчиларни таълим ҳамда касбга ҳамоҳанг ўқитиш бўйича йўлга қўйилган тажриба намойиш этилган.
Маълум қилинишича, 55 мактаб 2019 йил очилган бўлиб, ўтган йили 60 га яқин битирувчидан атиги 2 нафари олий таълимга ўқишга кира олган.
Ҳозирда мактабнинг бўш турган ертўласи тадбиркорларга ажратиб берилиб, 14 та хонада 6 та йўналишда (тикувчилик, сават тўқиш, кўрпа-тўшак ишлаб чиқариш, мебелчилик, поябзал ва қандолатчилик) ишлаб чиқариш ва касбга ўргатиш ташкил этилган.
Шунингдек, мактаб ҳудудида нонвойхона, автомобилларга техник хизмат кўрсатиш, пайвандлаш, электортехника, типография, компьютер хизмати ва салонлар ташкил этилган.
Мактабнинг 10 ва 11-синф ўқувчиларидан 75 нафари дарсдан кейин ишлаяпти, ҳунар ўрганяпти экан. Ўқувчилар билан суҳбатлашсак, кунига ўртача 25-30 минг сўм атрофида иш ҳақи олишяпти экан.
