2023 йил 1 январь куни «Бухоро-Тошкент» рейсининг Afrosiyob поездининг тўхтаб қолишига байрам кунлари темир йўл яқинида учирилган «осмон фонуси» сабаб бўлгани аниқланди.
«Ўзбекистон темир йўллари» матбуот хизмати хабарига кўра, куни кеча ташкил этилган ва воқеа жойига чиққан идоралараро экспертлар гуруҳи шу хулосага келган.
Таъкидланишича, темир йўл яқинида унинг учирилиши вақтида ушбу жисм электровознинг пантографига урилиб, қисқа туташувга олиб келди ва контакт симининг қизишига олиб келди ва бунинг оқибатида электровоз электр таъминотидан узилиб қолди.
Компания темир йўл худудларида ҳамда поездлар яқинида бундай буюмлардан фойдаланмасликни сўради.
"Мазкур ҳолатдан кўриниб турибдики, биринчи қарашда зарарсиз нарсалар ҳаракат хавфсизлигига таъсир қилиши ва жиддий оқибатларга олиб келиши мумкин", дейилади хабарда.
