Олий Мажли Қонунчилик палатасининг энг фаол депутати Расул Кушербаев давлат бюджети муҳокамасига бағишланган парламент йиғилишидаги ҳолатлардан сўнг ўз депутатлик фаолиятини тўхтатишга қарор қилганини эълон қилди. Унинг бу қарори ортидан Тошкент шаҳар халқ депутатлари Учтепа туман Кенгашининг ЎзЛиДеП партиясидан депутат Нуриддин Зайнитдинов ҳам ўз хоҳишига кўра депутатлик фаолиятини якунлаганини маълум қилди.
Қонунчилик палатаси депутати Дониёр Ғаниев Кушербаевнинг кетиш қарорига муносабат билдирар экан бу Парламент учун катта йўқотиш бўлишидан афсусланди.
Олий Мажлис Қонунчилик палатасининг бошқа аъзолари, спикер Нурдинжон Исмоилов, Қўмита раислари, спикер ўринбосарлари, Кушербоевга сўз бермаган Иноятов ва ЎзЛиДеП раиси Актам Хаитов ҳануз ушбу ҳолатга нисбатан муносабат бўлаётгани йўқ.
Эслатиб ўтамиз, Олий Мажлис Қонунчилик палатасида жорий йилнинг 19 декабрь куни бўлиб ўтган мажлисда “2023 йил учун Ўзбекистон Республикасининг Давлат бюджети тўғрисида”ги қонун муҳокамага қўйилган. Унда депутат Расул Кушербоев қайта-қайта мажлисга раислик қилувчи спикер ўринбосари – “Халқ” демократик партияси раиси Улуғбек Иноятовдан сўз сўраб ололмагани акс этган видео ижтимоий тармоқда тарқалди.
Видеода депутат Расул Кушербоев бир неча бор қонун лойиҳаси бўйича фикрлари борлигини айтиб, сўз сўраганига қарамай, У.Иноятов мамлакатдаги ислоҳотлар ҳақидаги матнни ўқишда давом этган.
Депутат ҳатто ўрнидан туриб, қўл силтаб, овозини баландлатишга ҳам мажбур бўлган. Аммо фойдаси бўлмагач, депутат ҳолатдан норози бўлиб, зални тарк этган.
Қонун лойиҳаси Олий Мажлис Қонунчилик палатасининг 22 декабрь кундаги мажлисида қайта кўриб чиқилган. Мажлисда Кушербоев иштирок этмаган ва қонун лойиҳаси тасдиқланган.
