Аввал хабар берганимиздек, Самарқандда Туркий давлатлар ташкилотига аъзо мамлакатлар саммити бўлиб ўтмоқда.
Жараёндан "Darakchi.uz" мухбирининг хабар беришича, Президент Шавкат Мирзиёев 2023 йилни "Туркий цивилизациянинг юксалиш йили" қўллаб-қувватлаганлиги учун раҳмат айтди.
"Туркий дунёмизнинг ҳавас қилса арзийдиган буюк тарихи, улуғ аждодлари ва беқиёс бойликлари бор. Мен ишонаман, Туркий дунёни буюк келажак кутмоқда. Бу келажакни, ҳеч шубҳасиз, меҳнаткаш, бағрикенг ва олижаноб халқларимиз билан биргаликда яратамиз.Кўҳна Самарқанд шаҳридаги саммитимиз эса, туркий дунё цивилизациясининг замонавий тарихида янги юксалиш босқичини бошлаб беради. Бугун ана шундай эзгу ғояни ўзида ифода этган самарқанд декларацияси ҳам қабул қилинади.
Шунингдек, ташкилотимиз доирасида 2023 йилни туркий цивилизациянинг юксалиш йили, деб эълон қилиш таклифимизни қўллаб-қувватлаганингиз учун ташаккур билдираман", — дейди Ўзбекистон етакчиси.
