Самарқанд шаҳрида фуқародан 1500 доллар пора талаб қилган адвокат ушланди. Бу ҳақда “ЎзА” ёзмоқда.
Аниқланишича, Самарқанд шаҳридаги “Юлдуз” адвокатлик фирмаси адвокати вазифасида ишлаб келаётган А.У. (1971 йилда туғилган) суд идораларида кўриб чиқилаётган ишларда адвокат сифатида иштирок этиб, “воситачилик” қилиш йўли билан суд тизимида ишловчи танишлари орқали ишларни ижобий ҳал қилиб бериш эвазига фуқаролардан катта миқдордаги пул маблағларини олиб келган.
Хусусан, маҳаллий фуқаронинг турмуш ўртоғи билан қонуний никоҳини бекор қилиш юзасидан фуқаролик ишлари бўйича Паяриқ туманлараро судининг қарорини чиқартириб бериш эвазига ундан 1 500 АҚШ доллари талаб қилган.
Ўтказилган тезкор тадбирда адвокат А.У. ушбу фуқародан келишилган пулларнинг 1300 АҚШ долларини олаётган вақтда жиноят устида қўлга олинган. Ҳозирда A.U.ga нисбатан Жиноят кодексининг тегишли моддалари билан жиноят иши қўзғатиш бўйича суриштирув ҳаракатлари олиб борилмоқда.
