Бу ҳақда АОКАда ўтказилган брифингда инспекция бошқарма бошлиғи Дилшод Охунжонов маълум қилди.
"Ўзйўлинспекция"га январь-сентябрь ойларида жисмоний ва юридик шахслардан 474 та мурожаат келиб тушган. Бу кўрсаткич 2021 йилнинг шу даврига нисбатан 45 фоизга ошган. Мурожаатларнинг 133 таси автомобиль йўллари фойдаланувчиларидан келган.
61 та мурожаат бўйича аниқланган камчиликларни бартараф этиш бўйича 80 та кўрсатма берилган. Кўрсатма талабларини муддатида бартараф этмаган мансабдор шахсларга тегишли чоралар қўллаш бўйича маъмурий баённома расмийлаштирилиб, суд органларига юборилган.
15 та ҳолат бўйича 1 млрд 576 млн 675 минг сўм миқдоридаги сифатсиз бажарилган қурилиш-монтаж ишларини ҳисоботдан чиқариш юзасидан буюртмачиларга талабнома киритилган. Яъни сифатсиз бажарилган қурилиш ва таъмир ишлари пудратчилар томонидан, уларнинг ўз маблағлари ҳисобидан қайта бажартирилди.
