АҚШ Украинага NASAMS иккита зенит-ракета тизимларини етказиб берди. Zamon.uz' сайтининг қайд этишича, бу ҳақда тизимларни ишлаб чиқарувчи бўлган Американинг Raytheon Technologies компанияси бош директори маълум қилди.
“Биз ҳозиргина иккита NASAMS тизимини етказиб бердик. У АҚШ ҳукуматига икки ҳафта олдин тақдим этилганди. Бугуноқ уларнинг Украинада қўлланилиши бошланади”, – деган у.
Ўтган ҳафтада Пентагоннинг олий мартабали вакили Вашингтон яқин ҳафталар ичида Киевга NASAMS зенит-ракета тизимларини беришини очиқлаганди. 11 октябрь куни Оқ уй вакили Жон Кирби ҳам бу хабарларни тасдиқлади. Украинага жами саккизта шу турдаги қуролларни бериш режалаштирилган.
