Қозоғистонда 25 октябрь куни мамлакатнинг асосий байрами – Республика куни нишонланади, 13 йиллик танаффусдан сўнг у яна миллий мақомга эга бўлди. Бу ҳақда "Zamon.uz" ёзмоқда.
Бунгача миллий байрам Мустақиллик куни бўлиб, у 16-17 декабрь кунлари нишонланган ва 2009 йилда Республика куни байрамлар рўйхатидан чиқарилган эди.
Июнь ойида Президент Қосим-Жомарт Тўқаев биринчи миллий қурултойда Республика кунини қайтаришни таклиф қилган эди. У 1990 йил 25 октябрда Қозоғистоннинг давлат суверенитети тўғрисидаги декларация қабул қилинганини ва бу мамлакат мустақиллиги йўлидаги биринчи қадам бўлганини эслади.
Сентябрь ойида мамлакатда тегишли қонун қабул қилинди.
Шу билан бирга, Мустақиллик байрами 2022 йилдан бошлаб давлат байрамлари реестрига киритилган бўлиб, энди у бир кунда – 16 декабрда нишонланади.
