Ҳукумат қарори билан Ўзбекистон Республикасининг электр станциялари ва тармоқларини техник эксплуатация қилиш қоидалари тасдиқланди.
Қоидаларга мувофиқ, қурилиши тугалланган IES, GES, QES, SHES ва бошқа электр ишлаб чиқарувчи станциялар эксплуатацияга қабул қилиниши керак.
Эксплуатациядан олдин қуйидагилар амалга оширилади:
- ускуналарнинг индивидуал синовлари, асосий ва ёрдамчи ускуналарнинг синов тарзида ишга туширилиши билан тугайдиган энергоблоклар учун алоҳида тузилмаларнинг фунционал синовлари;
- ускуналарнинг комплекс синаб кўрилиши.
Энергетика объектларида ишлашга махсус маълумотга эга ва тайёргарликдан ўтган шахсларга рухсат берилади.
Тезкор ва тезкор-таъмирлаш ходимлари камида 3 ойда бир марта аварияга қарши назорат машғулотларини ўтишлари шарт.
Шунингдек, қоидаларда энергетика объектларининг эксплуатациясини ташкил этиш устидан техник ва технологик назорат қилиш, техник хизмат кўрсатиш ва модернизация қилиш тартиби белгиланган.
20.10.2022 03:22
Ўзбекистондаги барча электр станциялари техник эксплуатациядан ўтказилиши шартлиги ҳақида ҳукумат қарори тасдиқланди
