Тожикистон давлат раҳбари Имомали Раҳмон Остонадаги МДҲ саммитида Россия президенти Владимир Путиндан Марказий Осиё давлатларига худди СССРдек қарамаслигини сўраган эди.
Россия президенти Владимир Путин тожикистонлик ҳамкасби Имомали Раҳмоннинг сўзларига жавоб қайтарди. Бу ҳақда "ТАСС" сайти хабар бермоқда. Путин СССРнинг миллий сиёсатини шарҳлаб, улар совет даврида иттифоқ республикалари халқларининг маданияти ва иқтисодиётини ривожлантириш билан шуғулланганлигини таъкидлаган.
У бу масалани жума куни “Россия-Марказий Осиё” саммитида Тожикистон президенти Эмомали Раҳмоннинг нутқидан сўнг кўтарган. У Марказий Осиё мамлакатларига, жумладан, иқтисодий ҳамкорлик соҳасида етарлича эътибор ва ҳурмат кўрсатилмаганидан афсусда эканлигини билдирган.
"Мен Эмомали Шарипович айтган гаплардан бошламоқчи эдим. Ҳа, ҳақиқатан ҳам, менимча, у ҳақ, - деди Путин. – Албатта, Совет Иттифоқида миллий тилларда китоблар нашр этилиб, театрлар очилди, маданият ва иқтисодиёт ривожланди. Аммо бугун, албатта, биз барча форматларимизни, шу жумладан, [янги саммитнинг] форматини аниқ мазмун билан тўлдиришимиз керак”, — дея давом этган Путин Россия ва Марказий Осиё мамлакатлари ўртасидаги иқтисодий ҳамкорлик ҳақида.
Унинг сўзларига кўра, ушбу учрашувдан мақсад шунчаки гаплашиш эмас, балки минтақавий лойиҳалар ва эҳтиёжларни кўриб чиқиш, уларни мавжуд имкониятлар билан уйғунлаштириш ва нафақат икки томонлама, балки минтақавий миқёсда ҳам илгари суришдир. Шунда кўп масалаларни катта самара билан ҳал қилиш мумкин.
