4 октябрь куни маҳаллий вақт билан соат 14:40да Урганч халқаро аэропортидан Римга самолёт учди. Бу ҳақда “Uzbekistan Airports” матбуот хизмати хабар берди.
“Uzbekistan Airways” Миллий авиакомпаниясининг Airbus А320 Neo самолёти Леонардо да Винчи номидаги Рим-Фиумиcино халқаро аэропортига 116 нафар йўловчини етказди.
Сешанба кунлари Урганчдан Римга мунтазам рейслар амалга оширилади. Римдан Тошкентга қайтиш рейслари ҳам шу кунга режалаштирилган.
Эслатиб ўтамиз, жорий йилнинг август ойида Урганч — Милан — Тошкент йўналиши бўйича авиақатновлар очилган эди. Мунтазам рейслар жума кунлари амалга оширилади.
