27 сентябрь куни Қарши шаҳрида яшовчи 15 ёшли бедарак йўқолган боланинг жасади канал ёнидан топилди. Бу ҳақда Бош прокуратура Матбуот хизмати хабар берди.
Хабарга кўра, Қарши туманида истиқомат қилувчи 2007 йилда туғилган Т.Д. жорий йилнинг 21 сентябрь куни соат 15:00 ларда уйидан велосипед билан чиқиб кетиб, қайтиб келмаган. Шундан сўнг унинг яқинлари болани қидирувга берган.
Орадан маълум вақт ўтгандан кейин бола жасади Қарши магистраль канали ёнидан топилган.
Қўшимча қилинишича, боланинг каналдан жасади оқиб кетаётганда фуқаролар томонидан олиб чиқилган. Ҳолат юзасидан тегишли экспертизалар тайинланган.
