"Ўзгидромет" дам олиш кунлари кутилаётган об-ҳаво маълумотларини эълон қилди

"Ўзгидромет" дам олиш кунлари Ўзбекистонда кутилаётган об-ҳаво маълумотларини эълон қилди. 

Унга кўра, дам олиш кунлари республика бўйича ёғингарчилик кутилмайди, фақат эртага тоғ олди ва тоғли ҳудудларда баъзи жойларда қисқа муддатли ёмғир ёғиши, момақалдироқ бўлиши мумкин. Ўзбекистон бўйича ҳаво ҳарорати кечалари 11-16°, кундуз кунлари 27-32° атрофида бўлиши сақланиб туради.