Ижтимоий тармоқларда Жиззах вилоятининг Мирзачўл тумани Гагарин шаҳарчасида йўловчи талашган таксичилар ўртасида жанжал юзага келгани, улардан бири иккинчисини машинасининг капотида судраб кетгани тасвирланган видео тарқалди.
Вилоят ИИБ Жамоат хавфсизлиги хизмати ЙҲХБ томонидан олиб борилган суриштирувда аниқланишича, бир нечта ҳайдовчилар йўловчи ташиш фаолияти билан шуғулланиш учун махсус лицензияга эга бўлмай туриб, йўловчи (мижоз) талашган ва ўртада низоли ҳолат юзага келган. Оқибатда "Lacetti" ҳайдовчиси ўзга бир шахснинг ҳаётига хавф солувчи ҳамда йўл-транспорт ҳодисасини келтириб чиқариши мумкин бўлган ҳаракатни амалга оширган.
