Бош прокуратура ҳузуридаги Департамент бу ҳақда хабар берди. Қайд этилишича, Айдар-Арнасой кўллар тизими ресурсларидан фойдаланиш соҳасида иқтисодий ҳуқуқбузарликларга қарши курашиш бўлими томонидан тадбир ўтказилган.
Унда фуқаро Ф.Т. тақиқланган ов қуроли “Леска”дан тайёрланган тўрлардан фойдаланиб, табиий ҳудуддан 107 бош “Оқсла”, 22 бош “Зоғора” 20 бош “Товонбалиқ”, “Оқ амур” ва “Вобла” каби балиқларини овлаганлиги натижасида ҳайвонот дунёсига 31,2 млн. сўм зарар етказилгани аниқланган.
"Мазкур ҳолат юзасидан Жиноят кодексининг 202-моддаси (ҳайвонот ёки ўсимлик дунёсидан фойдаланиш тартибини бузиш) билан жиноят иши қўзғатилиб, тергов ҳаракатлари ўтказилмоқда",-дейилади хабарда.
