Францияда футбол бўйича Европа чемпионати баҳслари давом этмоқда. Куни кеча “В” гуруҳидан ўрин олган барча ўйинлар ўз якунига етди.
Дастлаб Англия терма жамоаси Словакия билан баҳс юритиб, 0:0 ҳисобини қайд этди ва 5 очко тўплган ҳолда кейинги босқичга чиқди.
Гуруҳнинг иккинчи ўйинида турнир кашфиётларидан бири Уэльс терма жамоаси Россия футболчиларини йирик 3:0 ҳисобида таслим қилиб, очколар сонини 6 тага етказди ва гуруҳда биринчи ўрин билан плей-оффга йўл олди.
Словакия ҳам турнирни давом эттириши мумкин бўлади. Бироқ, қолган гуруҳларда барча ўйинлар якунлансагина бунга аниқлик киритилади.
