Биринчи Тошкент халқаро инвестиция форуми доирасида хорижий ҳамкорлар билан қатор шартномалар имзоланди. Хусусан, форумнинг биринчи кунида Ўзбекистон Республикаси тўғридан-тўғри инвестициялар жамғармаси (UzDIF), Dr. Sulaiman Al-Habib Medical Group (HMG) ва Ўзбекистон Республикаси Соғлиқни сақлаш вазирлиги ўртасида ҳамкорлик меморандуми имзоланди.
Dr. Sulaiman Al-Habib Medical Group (HMG) Саудия Арабистони, Баҳрайн Қироллиги, Бирлашган Араб Амирликлари ва бошқа мамлакатларда 20 дан ортиқ тиббиёт муассасаларини бошқарадиган педиатрия, неврология, кардиология, ортопедия ва бошқа яқин Шарқдаги бўлимлари орқали кенг кўламли хизматлар тақдим этадиган энг йирик хусусий соғлиқни сақлаш тизимларидан биридир.
Ҳужжат тиббий маълумотларни бошқариш тизимига рақамли технологияларни жорий этиш, Ўзбекистонда халқаро даражадаги касалхона қуриш, HMG тиббиёт академиясини яратиш, тиббиёт ходимларининг малака ва кўникмаларини ҳар йили Саудия Арабистонидаги HMG касалхоналарида амалиёт ўташ орқали соғлиқни сақлаш соҳасидаги ҳамкорликка қаратилган.
"Умид қиламизки, ҳамкорлик доирасида Саудия Арабистонидаги ҳамкорлар арсеналида мавжуд бўлган бир қатор даволаш ва тиббиёт хизматларни тақдим этадиган кўп функцияли тиббиёт марказини қуришга қаратилган йирик лойиҳани амалга ошира оламиз.
Бундан ташқари, биз тиббиёт академиясини ишга туширишни режалаштирдик, у ерда тиббиёт ходимларини, шунингдек соғлиқни сақлаш тизимида зарур бўлган бошқа мутахассисларни Саудия Арабистонидаги Al-Habib гуруҳи клиникаларида ўқитиш истиқболлари билан тайёрлаймиз ва кейинчалик улар олган билим ва кўникмаларни юртимизда амалиётда қўллайдилар", - дейди UzDIF раҳбари Атабек Назиров.
