Финландия 28 мартдан бошлаб Хелсинки ва Санкт-Петербург ўртасида қатновчи Allegro тезюрар поездлари қатновини тўхтатади. Бу ҳақда Финландиянинг VR Group темирйўл концерни вакиллари маълум қилди.
Қайд этилишича, 27 март куни эрталабки рейс амалга оширилади. Санкт-Петербургдан йўлга чиқади. Тушдан кейинги рейс эса бекор қилинади.
Финландиянинг Европа ишлари ва мулкни бошқариш вазири Тютти Туппурайнен VR Group концернига йўллаган мактубида бундан буён Россия темирйўллари компанияси Европа Иттифоқи сакнциялари рўйхатида бўлгани боис, Allegro поездидан фойдаланиш "мақсадга мувофиқ эмас"лигини билдирган.
