“Катта дубулға” туркумига кирувчи турнирларнинг уч карра чемпиони, дунёнинг биринчи ракеткаси, австралиялик теннисчи Эшли Барти кутилмаганда фаолиятини якунлади. Бу ҳақда Daily Mail маълум қилди.
Қайд этилишича, теннисчи шу кунга қадар 32 миллион долларни турнирлардан қўлга киритган. Шунингдек, 15 миллион долларни турли рекламалар орқали ишлаб топган. Теннисчи Австралия тарихидаги энг бой спортчи ҳисобланади. Энг бой спортчилар рўйхатида эса 14-ўринни эгаллаб турибди.
У кутилмаганда 25 ёшида фаолиятини якунлашини маълум қилди. Эндиликда у дунёни кезишни ва оиласига кўпроқ вақт ажратишини таъкидлаган.
Маълумот учун, Барти 2019 йилда Ролан Гаррос, 2021 йилда Уимблдон ва 2022-йилда Австралия Очиқ чемпионатида ғолиб чиққан.
