Ўзбекистонда йўловчи ташиш транспорти хизматлари нархлари бир ойда ўртача 0,6 % га ошган. Давлат статистика қўмитаси бу ҳақдаги айрим рақамларга тўхталди.
Унга кўра, 2021 йилнинг декабрь ойида йўловчи ташиш транспорти хизматлари нархлари 2021 йилнинг ноябрь ойига нисбатан яъни бир ойда ўртача 0,6 % га қимматлашган.
Шунингдек, йўловчи ташиш транспорти хизматлари нархлари 2021 йил давомида ўртача 6,4 % га ошгани кузатилган.
Шаҳарлараро автобусда йўл ҳақи нархлари эса 2021 йил давомида ўртача 9,4 % га қимматлашган.
