Йўловчиларга янада кўпроқ қулайлик ҳамда ички туризмни ривожлантиришда қўшимча имкониятлар яратиш мақсадида “Ўзбекистон темир йўллари” АЖ 2022 йил 9 январдан бошлаб, ҳар ҳафтанинг якшанба кунлари “Самарқанд – Тошкент – Самарқанд” йўналишида “Afrosiyob” замонавий поездларининг қатновини йўлга қўяди. Бу ҳақда Ўзбекистон Республикаси Транспорт вазирлиги Ахборот хизмати маълум қилмоқда.
Қайд этилишича, ҳаракат жадвалига кўра 767- сонли “Afrosiyob” замонавий поезди якшанба кунлари соат 10:50 да “Самарқанд – Тошкент” йўналишида, 768-сонли “Afrosiyob” замонавий поезди эса шу куни соат 13:40 да “Тошкент – Самарқанд” йўналишида қатновини амалга оширади.
"Шу боис, амалдаги “Afrosiyob” замонавий поездларининг ҳаракат жадвалига ўзгартириш киритилади",-дея алоҳида таъкидланади хабарда.
Унга кўра, бугунги кунда соат 08.30 да “Тошкент – Самарқанд” йўналишида ҳаркатини амалга ошираётган 764-сонли “Afrosiyob” замонавий поезди 2022 йил 9 январдан бошлаб, соат 07:00 да Тошкент марказий темир йўл вокзалидан қатновини амалга оширади.
Ҳар куни соат 17:06 да “Самарқанд – Тошкент” йўналишида қатновини амалга ошираётган 763-сонли “Afrosiyob” замонавий поезди эса, ушбу санадан бошлаб соат 16:40 да Самарқанд темир йўл вокзалидан қатновини амалга оширади.
Бугунги кунда соат 09:02 да “Тошкент – Бухоро” йўналишида қатновини амалга ошираётган 770-сонли “Afrosiyob” замонавий поезди 2022 йил 9 январдан бошлаб, соат 08:30 да Тошкент марказий темир йўл вокзалидан ҳаракатини бошлайди.
Ҳозирги кунда соат 15:02 да Бухоро – Тошкент йўналишида қатновини амалга ошираётган 769-сонли “Afrosiyob” замонавий поезди эса ушбу санадан бошлаб, соат 15:27 да Бухоро темир йўл вокзалидан ҳаракатланади.
Шунингдек, соат 15:50 да “Бухоро – Тошкент” йўналишида ҳаракатини бошлайдиган 761-сонли “Afrosiyob” замонавий поезди мазкур санадан бошлаб, соат 15:52 да Бухоро темир йўл вокзалидан қатновини амалга оширади.
Бугунги кунда соат 04:55 да “Бухоро – Тошкент” йўналишида қатновини амалга ошираётган 765-сонли “Afrosiyob” замонавий поезди эса, 9 январдан бошлаб, соат 04:31 да Бухоро темир йўл вокзалидан ҳаракатини бошлайди.
Эслатиб ўтамиз, амалдаги бошқа “Afrosiyob” замонавий поездлари ўз ҳаракат жадвали бўйича ҳаракатланади.
