Навоийнинг "Қизилқум" жамоаси бош мураббийи Ҳамиджон Актамов туман депутатлигига сайланди. Бу ҳақда клуб матбуот хизмати хабар берди.
Маълум қилинишича, Халқ депутатлари туман Кенгашига сайлов ўтказувчи Кармана туман сайлов комиссиясининг бўшаб қолган ўринга депутатларни рўйхатга олиш тўғрисидаги қарорига биноан «Тадбиркорлар ва ишбилармонлар ҳаракати-Ўзбекистон Либерал демократик партияси» аъзоси, Навоий шаҳри «Қизилқум» ПФК бош мураббийи Хамиджон Ғуломович Актамов 5 та номзод орасида 78,5% овоз тўплаб, Кармана туман кенгашига депутат этиб сайланди.
